Mahindra Arjun Ultra -1 555 DI User Reviews

Kafi samay k bad kisi chij ke bare me apna anubhav batane ka man kia hai. ye tractor itna balanced hai ki kheti ho chahe maal dhulai ho ya or koi kaam, ye har kaam ko bakhubi kar lene me saksham hai. chalane me asan, or jada der tk bethne me koi dikkat nahi or mahindra ka naam bhi iski shan badhata hai.

Is tractor ki maintainance bahut asaan hai. upar se ye kharab bhi nahi padta. isse kaam ke beech me rukawat nahi aati. powerful engine hai to mere saare kaam jaldi ho jate hai. iske gear smoothly change ho jate hai. is tractor ki madad se mujhe kheti karne me bahut sukoon hota hai

Is tractor me wese to company ne kai features die hai jisse kheti me acha khasa aram hai. ye ek constant mesh gearbox ke sath ata hai or isme 1850 ki lifting capacity bhi hai jo koi bhari saman aram se dho lene me shaksham hai. chalate wakt bhi ye ekdum stable rehta hai.

Is tractor ka noise level bahut hi balanced hai kyuki kaaam karte wakt maine isme jada shor nahi suna hai baki tractoro ke jaise. is wjha se ye mujhe kafi acha tractor lagta hai. baki kheti se jude sare kaam to ye aram se kar leta hai chahe koi bhi ho.

Mujhe apne mahindra ke tractor me jo bate achi lagi wo hai sabse pehle to iski bhar uthane ki shamta kyuki ye bahut bhar utha leta hai. dusra isme mujhe achi service support milta hai jo mje bina dikkat ise istemal karne ka sukoon deta hai or fir mahindra to desi brand hai.

Is tractor ke hone se meri kaam karne ki shamta me asar aya hai or wo achi hui hai. pehle kheti ke jis kaam ko karne me pura din lag jata tha ab wo kam kuch ghanto me hi ho jata hai or wo bhi seat per baith baith. is tractor ki wjhas se meri kheti positively transform hui hai.

Mujhe apne tractor ki gear shifting bahut asaan lagti hai. bina jyada mehnat aur awaaz kiye isme gears badal pate hai. jayada bhaar uthane ki shamta ki madad se dhulaayi ka kaam asaan ho jata hai. isme gear bhi side me diya gaya hai jo ki asaani se pakad me ajata hai.

Mahindra ka ye tractor sare kamo ke liye ek balance machine hai. iske liye koi kaam muskil nahi. dusre tractor ki tarha ye sirf kisi ek kaam me mahir nahi hai. ye sare hi kaam suvidha janak trike se krta hai. engine me power hone ki wajha se ise chalane me bhi aram hai.