Massey Ferguson 7250 DI Powerup User Reviews

Kafi sare tractor chalane ke bad mujhe ab kafi kuch jankari hai tractoro ke bare me. isi jankari ko dhyan me rakh ke maine is tractor ko liya. isme mere kaam ke sare feature hai or mai ise sahi samay samay par maintain bhi karta rehta hu to badhiya chalta hai.

Mujhe apne tractor ke features bahut pasand hai. isi wajah se maine is model ko choose kiya tha. isme dual clutch hai power steering hai aur oil brakes bhi. inn sab se kheti karna bahut hi suvidhajanak ho jata hai. isme adjust hone wali seat bhi hai. mai poora din isko chala ke bhi thakta nahi hu

Mera to jada kaam mal dhulai ka rehta hai or kheti ka to thoda kam hi rehta hai kaam is tractor se. halanki mai ye kehna chahunga ki is tractor se koi bhi kaam karwao ye aram se kar leta hai. isme damdar loading capacity hai jo bhari saman utha leta hai.

Is tractor ke upyog se kheti aasan, tez aur adhik araamdayak ho jati hai, isse aay badhti hai aur kheti udyog ko sudharne mein madad milti hai. iska maintenance ka kharcha bhi kam hai. kam paise me isse jyada kaam nikal sakte hai. iske engine me dam hai kyuki wo size me bada hai

Maine is tractor ko bahut chalaya hai lekin fir bhi isme koyi badi dikkat ka saamna nahi karna pada. mai ghanto khet me kaam karta hu. iski seat adjust ki ja sakti hai jisse araam milta hai. engine me bhi dam hai jiski power khet pe har kaam teji se khatam kar deti hai. isse jyada kifayati tractor mujhe market me nahi mila

Ye ek damdar 50 HP ke engine ke sath ane wala tractor hai. is engine ke bharose bahut kaam asani se ho jata hai. mujhe isme jo side shift gear lever position hai na wo acha lagti hai, kyuki samne fir mjhe acha nahi lagta. ye power steering wala hai jisse chalane me asani hoti hai.

Mere tractor har tarah ke upkaran kheech leta hai. iski wajah iska 50 hp ka engine hai. isme clutch bhi shandaar diya gya hai. asaani se press ho jata hai jisse gear badalne me preshani nahi hoti. jydaa bojh bhi uthaa pata hai jisse dhulayi ke liye bhi use kar pata hu. isse kamayi bhi badh jati hai

Iss tractor mein takat bhara engine hai jo kam diesel mein adhik kaam karta hai. ye bharosemand tarike se kheti ko sambhalne me madad karta hai. iska gearbox bahut hi smooth kaam karta hai jisse apni speed ko aasani se badal sakte hain, aur jyada lifting capacity ki wajah se bhari load dhone me suvidha milti hai.