Sonalika Sikander RX 50 User Reviews

Mujhe apna tractor bahut pasand hai. iski power bade kam bhi asaani se nipta deti hai. rotavator plough sab chala leta hai. yhi nahi iski body bhi achi design ki gayi hai. muskil rasto me bhi balance nahi khota hai. mai iske kam se khush hu aur ise lambe samay tak chalaunga.

Jab maine pehli baar is tractor ko apne kheton mein chalaya, toh mujhe us wakt hi iski takat ka ehsas ho gaya tha. ye bina kisi dikkat ya fislan ke mere khet me aram se chal raha tha. choti jagha par bhi ye asani se ghum jata hai or kheti jaldi nipat jati hai.

Banawat ke mamle me ye tractor baki sab tractoro ko takkar de sakta hai apne group me. iska engine bhi bharosemand hai or mujhe kabhi chord kar nahi jaega. kam service chahiye hoti hai ise jisse kafi samay or paisa dono bachte hai or wo samay kaam me lag jata hai.

Mere gaon men jinta bhi tractor he usmen sabse achha yah tractor he yah kabhi kisi tarah ki pareshnai nhi aayi he yah tractor challane me bhi aasan he sath hi yah takat bhi sahi deta he juatayi katai maal dhulaayi sara kaam is tractor se me karta hu

Dhai sal pehle hi maine sonalika ka ye trektar kharida aur matra 500 ghante hi chalaya hu.is par maine rotavater, kaltivater aur tharesar ab tak chalaya hai badhiya kam karta hai.koi shikayat nahi sonaliak rx 50 se.

Mai 2 saal se is tractor ko chala raha aur takriban 2000 ghante chala chuka hu anek upkarno ke sath. Tractor krishi ke kamo ke liye kaafi accha hai.