Swaraj 855 DT Plus User Reviews

Is tractor ko chala kar pata chal jata hai ki company ne ise majbut banaya hai. ye kafi tikne wala tractor hai. chahe ise kaisi hi condition me chalao, dhup me barish me, sukhe me ya kichad wali jameen par, ye har prakar ki condition me behtareen kam kar leta hai.

Ismein shaktishaali engine hai jo bhaari kheti mein madad karta hai. yahi nahi yeh tractor mere kharche ko kam karta hai kyunki yeh kam diesel kharch karta hai. mujhe iski sabse badiya baat ye lagti hai ki iski comfortable seat mujhe lambi kheti mein bhi aaram deta hai. brake bhi oil wale hai aur steering power wala. isse kheti badi asaan ho jati hai

Is tractor ne wese to sari kheti hi badal kar rakh di hai pr ab itna istemal karne ke bad ye to keh sakta hu ki ye ekdum sahi chalta hai kheto me. iska handling bahut hi achi hai or kheti ke doran koi samasya nahi hoti kisi kaam ko karne me.

Ye tractor lambe time tak chalega kyuki iski body aur sabhi parts acchi quality ke hai. iska engine jyada power ke sath sare kaam kar leta hai wo chahe sukhi kheti ho ya paani ki sinchai. upkaran ka prayog karke kheti aur asaan bana sakte hai. alag se pto ka lever hone ke karan sare upkaran use karna asaan ho jata hai.

Mere tractor me bahut khoobiyan hai. isme double clutch diya gaya hai jisse upkaran chalane bilkul hi asaan ho jata hai. brakes bhi tel me doobe huye hai jisse inki performance achhi hi rehti hai. bada engine hai to power bhi jyada paida karta hai. kheti ke liye isse badiya tractor aur koyi nahi.

Jyada power hone ke wajah se kathin kam jaise bhari upkaran kheechna ya geeli mitti me kam karna sab asaani se kar leta hu. is tractor ke karan mai jayada fasal paida kar pata hu. iski katayi karke mandi me bhi isi tractor se le jata hu. sabhi kam akele tractor se ho jate hai.

Swaraj ka ye tractor liye hue mujhe abhi jada samay bhi nahi hua hai. halanki maine ise chala ke dekha hai or kafi kuch samajh chuka hu is tractor ke bare me. ye ek behtrareen machine hai jo kheti ka kaam asani se kar lega, itni takat hai is tractor me ki koi bhi implement lagao or ye chala pata hai.

Ye tractor mujhe vibhinn sahayak upkaran jodne ki anumati deta hai jisse mera kaam aur bhi aasan ho jata hai. maine sabse jyada cultivator ka use kiya hai aur isko chalane me kabhi koyi problem nahi ayi. bina hile dule balance ke sath jutayi karta hai. ye sab iski behtareen power ki wajah se hai.