Mahindra 475 DI MS XP Plus User Reviews

Iss tractor me power ki kami nahi hai. isse kheti ki jyada bhumi par kaam kar sakte hain aur jyada paidawar utpaadit kar sakte hai. isme addc diya gaya hai jo ki upkaran ko acchi tareeke se chalane me madad karta hai. ispe bhaari load bhi araam se uthaya ja sakta hai

Power ke liye is tractor ko pure number dena chahunga mai, kyuki mujhe apne kheti or baki kamo ke liye is tractor se jitne power ki ummeed thi ye wo asani se nikal sakta hai. isi wajha se mere sare kaam asan hue hai kheti ke or maal dhone me bhi asani hui hai.

Maine is tractor ko apne kheti ke liye apne dost ke kehne pr liya tha or mujhe apne nirnay par garv hai. is tractor se mujhe kabhi koi badi dikkat nahi hui hai or mujhe apne kaam me ise istemal karte samay acha lagta hai kyuki ye sare kaam kar pane me saksham hai.

Is tractor ka majboot engine kheti ko suvidhajanak banata hai. upkarana chalana ho ya saman transport karna ye tractor kisi kaam me peeche nahi rehta. mera bahut time bachta hai ise use karke. aur mehnat bhi kam lagti hai. iski wajah hai jyada torque jo ki bhari se bhari kaam me ise rukne nahi deta

Mere tractor ki achi quality hai ki ye bharosemand hai. maine har tarah ki condition me chala ke dekh liya hai. bhari se bhari load bhi dho ke dekha hai. kabhi band nahi pada hai mera tractor. iske engine me dam hai. iss price me mujhe isse badiya tractor nahi mila