Massey Ferguson 1035 DI Mahashakti User Reviews

Is tractor ka naam hai Massey Ferguson 1035 DI Mahashakti or jaisa ki iske naam me hi hai mahashakti, to ye wakai shaktishaali kaam karta hai. mai to iske hydraulics ka fan hu kyuki isme 1100 kg ki lifting chammta hai or category ek ka 3-point link ka support bhi, upr se hydraulics control bhi kaam asan krte hai.

Ye tractor bilkul tension free hai. kaam to achha karta hi hai upar se maintenance me bhi koyi issue nahi aata. kam kharab padta hai. mujhe isko chalane me kisi bhi tarah ki power ki kami feel nahi hoti. isme har implement kaam kar leta hai rotavator ho ya cultivator

Fuel efficiency ke mamle me ye tractor acha hai bakio se compare kare to ise segment me. 3 cylinder hone se achi khasi power or tel khapat maintain karr pata hai ye tractor jo kafi achi bat hai. isse tel bhii bachta hai or kaam bhi acha hota hai bina dikkat.

Ye tractor kai mamlo me mujhe acha laga. ek to ye ache budget me aa jata hai or dusra isme ek chote se thik thak khet ke liye paryapt takat hai taki kheti ki kaam asani se ho sake. comfort bhi acha hai is tractor ka jisse kaam karne me koi dikkat nahi hoti.

Mujhe apna tractor liye hue bahut jada sal ho gaye. usse pehle bhi mere pas isi company ka tractor tha. usme thoda kami lagi mujhe kyuki wo or purana tha pr is wale me brand ne un sari kamiyon ko dur kia hai or ye modern function bhi lata hai apne sath.

Ye tractor khet se lekar mandi tak fasal ko transport karne mein upyogi hai. iska shaktishali engine har kaam teji se karta hai. bhari load bhi ispe asaani se carry kar sakte hai. iski body bhi strong hai aur baki ke parts bhi achhi quality ke hai. isse bilkul bhi saste material wali feel nahi ati

Ye tractor apne segment me apne naam ke jaisa kaam karta hai. mahashaktishali hai ye tractor or kheti to asani se kar pata hai. iski wajah se kaam satik dhang se hota hai or khet achi traha se fasal paida kar pata hai. iska power steering tractor ghumate wakt madad krta hai, takat kam lagti hai.

Jaisa ki is tractor ke naam me hi hai, mahashakti, wese hi ye har kaam ko bilkul aram se kar leta hai. is tractor ki tyres bade bade hai to kahi bhi lejane me dikkat nahi, gili jameen par fasta nahi or balki dusre fase hue tractor nikale hai maine isse khinch ke. itni takat hai isme.