Sonalika Sikander DI 35 HDM User Reviews

Maine is tractor ko 2019 me liya tha or tab se ye ekdum acha chal raha hai. is tractor me constant mesh dia hai company ne jo kafi smooth transmission deta hai. power steering bhi kaam asan banata hai jo sab mil kar ise ek acha tractor banate hai kheti ke liye.

Mujhe apne chote se khet ke liye ek thik thak sa tractor chahiye tha or meri khoj puri hui is tractor ko lene se. ye tractor acha khasa lifting deta hai or kifayati bhi hai ye. is tractor ka 34 HP ka power mere lie behad acha hai kheti ke liye.

Mujhe apne tractor ki sabse achi bat lagti hai iski unchai zameen se. Iski high ground clearance mujhe har tarah ke kheton mein aaram se ghoomne or kaam karne deti hai, bina is dar ke ki kahi kheti ko ya tractor ke nichle hisse ko dikkat ya tut foot na ho jae.

Mujhe tractor mere karobar ke liye chahiye tha. Mai maal dhulai ka kam karta hu jiske liye tractor ki bahut jarurat padti hai. Maine Sonalika ka tractor 2019 me kharida tha jo ki bahut hi accha tractor hai. Iska maintenance kaafi kam hai aur diesel bhi kam peeta hai jisse mera kaafi fayda hota hai.

Mere khet ki utpadakta badane me is tractor ka bada role hai. isse meri kamayi bhi badi hai. shaktishali engine hone k wajah se muskil condition me bhi achha kam karta hai jaise ki pathreeli mitti ho ya bhari upkaran ko kheechna. dikhne me bhi adhunik lagta hai. mere sare jaruri kam jaise dhulayi khudayi ye achhe se sambhal leta hai.

Mere pass Sonalika ka tractor hai jo 39 HP ka hai. Maine Sonalika ka tractor isliye kharida kyuki iska service centre mere ghar ke pass me hi hai jisse mujhe service karane me asani rahegi. Tractor features ke hisab se badhiya hai par diesel ki khapat bahut jada hai aur leakage ki dikkat bhi hai.