Sonalika Sikander DI 745 III User Reviews

Ye sonalika sikandar tractor maine 2018 me liya tha or tab se to iska kaam acha hi laga hai mujhe. dikkat to kabhi koi badi nahi hui bs choti moti jo ki asani se suljh jati hai. wese dekha jae to tork ke mamle me ye tractor apne sath ke tractor se kafi aage hai.

ye tractor kheti ke kamo ko asan hi nahi balki jaldi bhi khatam kar deta hai. mai isse beej bone se leke katayi tak ke sare kam kar leta hu. 2019 se ise chala raha hu. 200 ghante ke upar hi chal gaya hai. maine ispe trolly cultivator or rotavetor mukhya roop se chalaye hai

Mere pass Sonalika ka 2015 model ka tractor hai. Iska engine takatwar hai aur 50 HP ka hai. Mai kheti karta hu aur mere pass alag alag prakar ke upkaran bhi hai jo mai is tractor ke sath chalata hu. Ye badhiya kam kar raha hai aur bachat bahi acchi ho rahi hai.

Mai jaha rehta hu waha se bahut hi najdeek Sonalika ka service centre hai. Mujhe hmesha se apne khet ke liye ek tractor chahiye tha isliye maine Sonalika ka tractor liya kyuki ye badhiya bhi chalta hai aur nazdeek me service centre hone ke karan agar koi dikkat aati hai toh service centre se turant uska nivaran mil jata hai.